С.Қырықбаева атындағы орта мектебінің 2016-2017 оқу жылындағы «Адал Ұрпақ» ерікті мектеп клубының атқарған жұмыстары туралы мәлімет
С.Қырықбаева атындағы орта мектебінің 2016-2017 оқу жылы бойынша желтоқсан айында 5-11 сынып оқушылары аралығында «Адал Ұрпақ» ерікті мектеп клубы құрылды. Ерікті клубқа 5-11 сынып оқушылары қамтылды. «Адал Ұрпақ» ерікті клубының мақсаты: Мектеп бойынша аса өнегелі, жауапты бастамашыл және әлуметтік құзырлы азаматты және патриотты қалыптастыру үшін жағдай жасау. Оқушылардың сыбайлас жемқорлыққа қарсы мінез-құлықтың адамгершілік-этикалық құндылық негіздерін қалыптастыру.
Мектеп кітапханасында «Парасатты азамат» бұрышы ұйымдастырылды. Кітапхана бұрышы тақырып бойынша материалдармен, кітаптармен толықтырылды. 5-11 сынып оқушылары арасында «Жемқорлыққа жол жоқ!» тақырыбында сурет көрмесі желтоқсан айында ұйымдастырылып, жақсы деп танылған суреттер мақтау қағаздарымен марапатталынды. Жауапты болып пән мұғалімі Ә.Қалиева бекітілді. Сонымен қатар «Біз жемқорлыққа қарсымыз» атты тақырыпта ата-аналар жиналысы өткізіліп, мектеп қабырғасында құрылған «Адал Ұрпақ» ерікті мектеп клубының жұмысы жақсы бастама екендігін, сыбайлас жемқорлықтың орын алуын болдырмау әр адам өзінен бастаса деп- өз ойларын білдірді. «Қоғамдық тәртіп негіздері» тақырыбындақұқық пән мұғалімі Ж.Дюсенбеков ақпан айында 9-11 сынып оқушылары арасында пікірталас ұйымдастырды. Пікірталас бала құқықтары, оларды сақтау, өз құқықтары мен міндеттері туралы түсінік қалыптастыру мақсатында өтілді.