2016-2017 оқу жылы С.Қырықбаева атындағы орта мектебі бойынша 25 мамыр «Сыңғырла, соңғы қоңырау!» атты салтанатты жиынның өтілуі туралы мәлімет

С.Қырықбаева атындағы орта мектебі бойынша 25 мамыр күні «Сыңғырла, соңғы қоңырау!» тақырыбында салтанатты жиын мектеп алаңында өтілді. Салтанатты жиын сағат 9.00-де басталды. Салтанатты жиын басында АӘД жетекшісі Қ.М.Нұртілеуов мектеп директорына рапорт беруден бастап, жүргізушілер жиынды ашық деп жариялады. Қаазақстан Республикасының мемлекеттік Гимні жиын басында және соңында орындалынды.
Іс шарамызға қонақ ретінде аудандық құрылыс бөлім бастығы Адетбеков Қажым Байкенұлы, Еңбекші ауылдық округінің бас маманы Қожабергенов Дархан Рыскелдіұлы, Ауылдық ақсақалдар алқасының төрағасы Қожабергенов Қожабек Баймырзаұлы қатысты. Соңғы қоңырау салтанатының алғашқы құттықтау сөзі мектеп директоры Ә.М.Көлбаеваға берілді. Мектеп директоры оқу жылының аяқталуымен құттықтап, үздік оқушыларды, облыс, аудан көлемінде жүлделі орындарға ие болған ұстаздарды марапаттап өтті. Салтанатты жиын қонақтарына құттықтау сөз беріліп, мектебіміздің жеткен жетістіктеріне тоқталып өтті. Мектеп бойынша 11 сынып мектеп түлектері мен 1 сынып оқушыларының дайындаған әдеби-монтажы тыңдалып, шағын концерт өткізілді.
Көптен күткен соңғы қоңырау соғу құрметі 11 сынып оқушысы Ж.Байзолдаева, 1 сынып оқушысы оқу озаты Ербосын Ыдырышқа тапсырылды.
Салтанатты жиын өз деңгейінде өтіліп, «Сыңғырла, соңғы қоңырау!» атты салтанатты жиынымыз жабық деп жарияланылды.