11
декабрь
2017
С.Қырықбаева атындағы орта мектебі бойынша «Нұрмолда Алдабергеновтың өмір жолы» тақырыбында сағаттары болып өтті
С.Қырықбаева орта мектебі бойынша 1-10 сынып аралығында «Нұрмолда Алдабергеновтың өмір жолы» тақырыбында сынып сағаттарының өтілу мақсатында мектеп кітапханасында және мектеп дәлізінде «Ұлы дала академигі- Нұрмолда Алдабергенов» тақырыбымен көрме ұйымдастырылды. Көрме Нұрмолда Алдабергенов өмірбаяны, еңбек жолдары туралы мәліметтермен толықтырылды. Сондай- ақ 1-10 сыныптар аралығында «Нұрмолда Алдабергеновтың өмір жолы» тақырыбында сынып сағаттары өткізілді.
Сынып сағатының мақсаты: Оқушыларға қазақ елінің біртуар азаматы Нұрмолда Алдабергенов туралы жан-жақты түсінік қалыптастыру, кемеңгер тұлғаның өз халқына, еліне тигізген шарапаттарын, сіңірген еңбегін дәріптеу. Тұлғаның аяулы бейнесін бүгінгі және келер ұрпақтың есінде қалдыру.
Сынып сағаты барысында Нұрмолда Алдабергеновтың өмірбаяны жайлы, еңбек жолдары, алып тұлғаның аңызға айналған жетістіктері, шыққан биігі, қажырлы еңбегі туралы мәліметтер берілді. Әдеби монтаж ұйымдастырылып оқушылар «Нұрмолда туралы жыр» атты дастанды кезекпен орындады.
Сыныптар бойынша өткізілген сынып сағаттары алып тұлғаның есімін, еліне сіңірген еңбегімен үлгілі ісін насихаттау, оларды ұрпақтан-ұрпаққа мирас етіп қалдыру- жас ұрпақтың парызы екендігі оқушыларға жеткізілді.